Այս տարի ես մասնակցում եմ մեր դպրոցում անցկացվող ամառային ճամբարին։ Ճամբարը շատ հետաքրքիր և օգտակար է, քանի որ այնտեղ ոչ միայն սովորում ենք, այլև աշխատում ենք տարբեր նախագծերի վրա։
Իմ ճամբարը անցկացվում է ծրագրավորման դասարանում։ Ճամբարի ընթացքում մենք աշխատում ենք մեր հետազոտական աշխատանքի վրա։ Ես պատրաստում եմ կայք, որի նպատակն է օգնել դպրոցին վաճառել իր արտադրած գինին։ Մեր դասատուն միշտ աջակցում և օգնում է մեզ, երբ դժվարություններ ենք ունենում ծրագրավորման կամ նախագծի մշակման ընթացքում։
Ճամբարի օրերի ընթացքում մենք նաև մասնակցել ենք տարբեր միջոցառումների։ Մենք այցելել ենք Մարիաննայի թանգարան, որտեղ ծանոթացել ենք հետաքրքիր պատմական և մշակութային նյութերի։ Այդ այցելությունը շատ ուսուցողական էր և հետաքրքիր։
Բացի ուսումնական աշխատանքից, մենք հոգ ենք տարել նաև մեր դպրոցի միջավայրի մասին։ Ճամբարի ընթացքում միասին աշխատել և մաքրել ենք դպրոցի տարածքը՝ այն դարձնելով ավելի մաքուր և գեղեցիկ։
Այս ամառային ճամբարը ինձ համար շատ օգտակար փորձ է։ Այն օգնում է զարգացնել իմ գիտելիքները, ձեռք բերել նոր հմտություններ և ավելի լավ համագործակցել ընկերներիս հետ։ Ես հաճույքով եմ մասնակցում ճամբարին և ուրախ եմ, որ կարող եմ իմ ժամանակը անցկացնել այսքան հետաքրքիր և արդյունավետ ձևով։
Ռոբերտ Մխիթարյան 